تجربتي في علاج جرح القرنية

..

بقول لكم معاناتي مع عيني بشكل مختصر والعلاج الرهيب هذا ⬆️ اصبت بجفاف شديد في العين لدرجة سبب لي جروح . كل ما انام وافتح عيني الا انجرحت القرنية ( إحساس مؤلم كأن احد يدخل ابره في عينك كل ما فتحتها ) صرت أخاف انام واخاف اصحى بسبب تكرر الجروح والألم .

رحت لاستشاريين واخصائيين حكومة وخاص والكل قال جفاف ويصرفون مرطب قطره ومرهم ( لكن بدون جدوى كل يوم الجرح يزيد وتورمت عيوني ولا صرت افتحها من الألم لا نوم ولا حياة)

معاناة .. فعلا معاناة ما كنت حتى اتمناها لعدوي 😭

تذكرت تالي للأسف بعد كم أسبوع من المعاناة علاج ذكره دكتور باسل كديتوكس للعين  شريت الوصفة المطورة بالأول لأن اللي بالصورة كان مخلص من ايهرب وبعد اول استخدام حسيت براحه ,جروحي بدأت تلتئم. صرت انام في كل مكان من قلّ النوم في فترة الألم. بعد ٣ أيام تقفلت نهائي الجروح واستمريت عليه لأكثر من ست شهور للتشافي التام والأن استخدم اللي في الصورة كروتين وديتوكس لقنوات العين.

(العلاج رائع كلمة قليله عليه لأن لاحظت النظر تحسن عندي، العين صافيه، فتح لي القنوات الدمعية، وعالج لي جروحي )

متوفر بأمازون هنا ومتوقف بيعه في ايهرب 

طريقتي طبعا المفروض يكون فيه كوب للعين لكن ما وجدته في أي صيدلية فاستخدمت غطاء شروب الحرارة حق الأطفال , انقط خمس نقط واسخن ماء مقطر(عشان يكون خالي من اي ملوثات للعين) واصبه عليه , كل عين لها غطاء خاص فيها , وانقع عيني لمدة دقيقتين . أول ما بدأت كنت اسويها اربع مرات باليوم تالي خليتها ثلاث ثم مرتين لين صارت مره . تقدرون تزيدون النقط بعد فتره لست نقط ثم سبع . بتلاقون الشرح له في موضوع  ديتوكس العيون المنقول عن أستاذ باسل.

وفالكم العافيه